పాకిస్తాన్ మాజీ ప్రధాని ఇమ్రాన్ ఖాన్, ఆర్మీ నాయకత్వం మధ్య బహిరంగ పోరుతో దేశ రాజకీయాలు మరోసారి తీవ్ర సంక్షోభంలో చిక్కుకున్నాయి. జైలులో ఉన్న ఇమ్రాన్ ఇటీవల పాక్ ఆర్మీ అధిష్టానంపై చేసిన తీవ్ర ఆరోపణలకు ప్రతిస్పందనగా, డీజీ ఐఎస్పీఆర్ లెఫ్టినెంట్ జనరల్ అహ్మద్ షరీఫ్ చౌదరి మీడియా సమావేశంలో అసాధారణంగా స్పందించారు. ఇమ్రాన్ ఖాన్ ఒక ‘మానసిక అనారోగ్యంతో’ ఉన్నారని, ‘జాతీయ భద్రతకు ముప్పు’ అని తీవ్రంగా విమర్శించారు.

ఇమ్రాన్ ఆరోగ్యం, భద్రత గురించి పుకార్లు వ్యాపిస్తున్న తరుణంలో ఈ ఘర్షణ మరింత పెరిగింది. ఆర్మీ మరియు జాతీయ సంస్థలకు వ్యతిరేకంగా ఇమ్రాన్ నిరంతరం ప్రకటనలు చేస్తున్నారని జనరల్ చౌదరి ఆరోపించారు. ఇంకా, ఆయన ఒక వివాదాస్పద వ్యాఖ్య చేస్తూ, భారత్ దాడుల సమయంలో ఇమ్రాన్ అధికారంలో ఉంటే, ఆయన ‘భిక్షా పాత్రతో భారతదేశానికి పారిపోయేవారు’ అని అన్నారు. ఈ తీవ్ర వ్యాఖ్యలను ప్రతిపక్షాలు రాజకీయ జోక్యంగా చూస్తున్నాయి.