ఐశ్వర్య రాయ్ బచ్చన్ ఇటీవల రెడ్ సీ ఫిల్మ్ ఫెస్టివల్ 2025 రెడ్ కార్పెట్ ఈవెంట్‌లో పాల్గొన్నారు, అక్కడ ఆమె తన కెరీర్ మరియు వ్యక్తిగత జీవితం గురించి మాట్లాడారు. ఈ సందర్భంగా ఆమె తన భర్త అభిషేక్ బచ్చన్ మరియు కూతురు ఆరాధ్య పట్ల ప్రేమను వ్యక్తం చేశారు. వృత్తిపరమైన, వ్యక్తిగత జీవితాల మధ్య సమతుల్యతను నొక్కి చెబుతూ, ఒకవేళ తాను సినిమాలు ఒప్పుకోకపోయినా తనకు ‘అభద్రతాభావం’ కలగదని మాజీ మిస్ వరల్డ్ తెలిపారు.

ఐశ్వర్య మాట్లాడుతూ, “నేను ఆరాధ్యను చూసుకోవడం, అభిషేక్‌తో ఉండటంలో చాలా బిజీగా ఉన్నాను, అందుకే నేను సినిమాకి సైన్ చేయకపోతే అభద్రతాభావం కలగదు. అభద్రతాభావం (Insecurity) నాకు ఎప్పుడూ చోదక శక్తిగా లేదు,” అని పేర్కొన్నారు. మణిరత్నం ‘ఇరువర్’ సినిమాను ఉదాహరణగా చూపుతూ, తన కెరీర్‌లో ప్రారంభంలో తీసుకున్న నిర్ణయాలు కూడా ఈ మనస్తత్వాన్ని ప్రతిబింబిస్తాయని ఆమె స్పష్టం చేశారు.