గర్భంలో శిశువు చేసే కదలిక లేదా ‘తన్నడం’ ప్రతి తల్లికి మరపురాని అనుభూతి, దీనిని చాలా మంది తల్లులు బిడ్డ తమను ‘కౌగిలించుకోవడానికి’ ప్రయత్నించినట్లుగా భావిస్తారు. ఈ కదలిక శిశువు ఆరోగ్యంగా ఉందనడానికి, సాధారణంగా అభివృద్ధి చెందుతుందనడానికి ముఖ్యమైన సంకేతం. సాధారణంగా శిశువులు 9 వారాల తర్వాత కదలడం ప్రారంభిస్తారు, అయితే తల్లులు రెండవ గర్భధారణలో సుమారు 13 వారాల తర్వాత ఈ కదలికలను స్పష్టంగా అనుభూతి చెందుతారు.

శిశువు కదలికలకు కొన్ని శాస్త్రీయ కారణాలు ఉన్నాయి. తల్లి ఎడమవైపు తిరిగి పడుకున్నప్పుడు, శిశువులో రక్త ప్రసరణ పెరిగి కదలికలు పెరుగుతాయి. అలాగే, తల్లి ఎక్కువ ఆహారం తీసుకున్న తర్వాత శిశువుకు శక్తి పెరిగి కదలికలు పెరుగుతాయి. శిశువు కదలికలు సాధారణం కంటే తక్కువగా ఉంటే, అది ఆక్సిజన్ లేదా పోషకాహార లోపాన్ని సూచిస్తుంది, కాబట్టి వెంటనే వైద్యుడిని సంప్రదించడం తప్పనిసరి.