పిల్లల రోగనిరోధక శక్తి మరియు చురుకుదనం సరైన ఆహారంపై ఆధారపడి ఉంటాయి. చాలా మంది పిల్లలు పాలు తాగడానికి ఇష్టపడరు, దీనివల్ల తల్లిదండ్రులు వారి పోషణ గురించి ఆందోళన చెందుతారు. అయితే, నిపుణుల అభిప్రాయం ప్రకారం, పాలు తాగని పిల్లలకు కూడా పెరుగుదలకు అవసరమైన పోషకాలు, కాల్షియం అందించే ప్రత్యామ్నాయ ఆహారాలు ఉన్నాయి. వీటిని క్రమం తప్పకుండా తినిపిస్తే ఊబకాయం, మధుమేహం వంటి వ్యాధులు పిల్లల దరిచేరవు.

పాలలోని కాల్షియంను భర్తీ చేయడానికి మీరు పిల్లలకు జున్ను (చీజ్) లేదా వెన్న వంటి పాల ఉత్పత్తులను ఇవ్వవచ్చు. విటమిన్ బి, ఆరోగ్యకరమైన కార్బోహైడ్రేట్లు కలిగిన ఓట్స్, అలాగే ప్రోటీన్, మినరల్స్ సమృద్ధిగా ఉన్న వివిధ రకాల పప్పులు, పప్పు ధాన్యాలను ఆహారంలో చేర్చాలి. ప్రతిరోజూ ఒక గుడ్డు తినిపించడం వల్ల యాంటీ-ఆక్సిడెంట్లతో పాటు ప్రోటీన్ లభిస్తుంది. అలాగే, వివిధ రకాల నట్స్ తినిపిస్తే అనేక పోషకాలు ఒకేసారి శరీరానికి అందుతాయి.