అమృత్‌సర్‌లో 15 ఏళ్ల వైవాహిక బంధాన్ని కాలరాస్తూ ఒక మహిళ వివాహేతర సంబంధంలో పట్టుబడటం సంచలనం సృష్టించింది. భార్య ప్రవర్తనపై అనుమానంతో భర్త రవి గులాటి ఆమె స్కూటీకి జీపీఎస్ ట్రాకర్‌ను అమర్చాడు. ఆ లొకేషన్ ఆధారంగా ఒక హోటల్‌కు చేరుకున్న అతను, తన భార్యను మరో వ్యక్తితో కలిసి ఉండగా చూసి కన్నీటి పర్యంతమయ్యాడు.

2010లో వివాహం చేసుకున్న ఈ దంపతులకు పిల్లలు కూడా ఉన్నారు. గతంలో 2018లో కూడా ఇదే విధంగా పట్టుబడగా, కుటుంబ గౌరవం కోసం రవి ఆమెను క్షమించాడు. తాజాగా మరోసారి దొరికిపోవడంతో ఆ మహిళ తన పుట్టింటికి వెళ్తానని తెగేసి చెప్పింది. ఈ ఘటనకు సంబంధించిన వీడియో నెట్టింట వైరల్ కావడంతో నైతిక విలువలపై చర్చ మొదలైంది.