గాల్వాన్ ఘర్షణ జరిగిన ఐదేళ్ల తర్వాత, మరోసారి విదేశీ వస్తువులను బహిష్కరించాలనే డిమాండ్ తెరపైకి వచ్చింది, అయితే ఈసారి అమెరికా బ్రాండ్లపై దృష్టి సారించారు. భారతీయ ఉత్పత్తులపై అమెరికా అధ్యక్షుడు డొనాల్డ్ ట్రంప్ 50% సుంకం విధించడాన్ని నిరసిస్తూ ఈ డిమాండ్ మొదలైంది. ఈ సుంకాల యుద్ధానికి ప్రతిస్పందనగా, అమెరికా కంపెనీలకు గుణపాఠం చెప్పేందుకు అమెరికా బ్రాండ్‌లను బహిష్కరించాలని చాలామంది నెటిజన్లు పిలుపునిస్తున్నారు.

‘Wow Skin Science in India’ సహ-వ్యవస్థాపకుడు మనీష్ చౌదరి మాట్లాడుతూ, దేశీయ రైతులు, స్టార్టప్‌ల ప్రయోజనాల కోసం అమెరికా ఉత్పత్తులను బహిష్కరించాలని అన్నారు. అదేవిధంగా, డ్రైవ్‌యూ సీఈఓ రహమ్ శాస్త్రి మాట్లాడుతూ, చైనా మాదిరిగా అమెరికా సోషల్ మీడియాకు ప్రత్యామ్నాయ ప్లాట్‌ఫారమ్‌లను భారత్ రూపొందించాలని సూచించారు. ఈ అంశంపై సోషల్ మీడియాలో పెద్ద ఎత్తున చర్చ జరుగుతోంది.