స్కూల్ ఫంక్షన్‌లో స్టేజ్ మీద తన కూతురు చేస్తున్న ప్రదర్శనను ఒక తండ్రి తన పాతకాలపు బటన్ ఫోన్‌లో రికార్డ్ చేస్తున్న వీడియో ప్రస్తుతం సోషల్ మీడియాలో వైరల్‌గా మారింది. ఖరీదైన స్మార్ట్‌ఫోన్లు లేకపోయినా, తనకున్న పరిమిత వనరులతోనే ఆ మధుర జ్ఞాపకాన్ని పదిలపరుచుకోవాలనే ఆ తండ్రి తపన నెటిజన్ల మనసు గెలుచుకుంది. ఈ వీడియో చూసి వేల సంఖ్యలో ప్రజలు భావోద్వేగానికి లోనవుతున్నారు.

జితేంద్ర సారస్వత్ షేర్ చేసిన ఈ వీడియోలో, ఆ తండ్రి ఎండ తగలకుండా ఫోన్ స్క్రీన్ పైన చేయి అడ్డం పెట్టుకుని ఎంతో శ్రద్ధగా వీడియో తీయడం కనిపిస్తుంది. ఇది చూసిన నెటిజన్లు “తండ్రి ప్రేమకు టెక్నాలజీతో సంబంధం లేదు” అంటూ ప్రశంసల వర్షం కురిపిస్తున్నారు. ఆ వీడియో క్వాలిటీ తక్కువగా ఉండవచ్చు కానీ, అందులో ఉన్న అనురాగం మాత్రం ఎంతో విలువైందని పలువురు కామెంట్ చేస్తున్నారు.

View this post on Instagram

A post shared by Jitendar Sarswat (@sarswatjitendar)