కేంద్ర ప్రభుత్వ ముద్రా యోజన సహాయంతో కేవలం ₹1 లక్ష పెట్టుబడితో ఫ్రైడ్ చికెన్ వ్యాపారాన్ని ప్రారంభించి, నెలకు ₹50 వేల వరకు సంపాదించవచ్చు. నిరుద్యోగ యువత, మహిళలు స్వయం ఉపాధి పొందడం కోసం ఈ పథకం కింద ₹50,000 నుంచి ₹10 లక్షల వరకు తక్కువ వడ్డీకే రుణాలు అందుబాటులో ఉన్నాయి. దేశవ్యాప్తంగా కోట్లాది మంది ప్రజలు ఇప్పటికే ఈ రుణాలను పొంది లబ్ధిదారులుగా ఉన్నారు.

ప్రస్తుతం యువతలో బాగా ప్రాచుర్యం పొందుతున్న ఫ్రైడ్ చికెన్ వ్యాపారం మంచి లాభాలను అందించే అవకాశం ఉంది. జనసమ్మర్దం ఉన్న ప్రాంతంలో ఒక స్టాల్ ఏర్పాటు చేసి, ₹5,000 నుండి ₹20,000 మధ్య ధరలో లభించే వాణిజ్య ఎలక్ట్రిక్ డీప్ ఫ్రైయర్ మెషీన్‌ను కొనుగోలు చేయడం ద్వారా ఈ వ్యాపారాన్ని ప్రారంభించవచ్చు. ఒక ప్లేట్ ఫ్రైడ్ చికెన్ ధర ₹150 వరకు ఉంటుంది, దీనితో పాటు కూల్ డ్రింక్స్ వంటి ఉత్పత్తులను విక్రయించి ఆదాయాన్ని పెంచుకోవచ్చు.