యునైటెడ్ స్టేట్స్ రాజధాని వాషింగ్టన్ డీసీలోని వైట్‌హౌస్ సమీపంలో బుధవారం జరిగిన కాల్పుల ఘటనలో, నేషనల్ గార్డ్‌కు చెందిన ఇద్దరు సభ్యులు తీవ్రంగా గాయపడ్డారు. ఈ ఘటనలో పాలుపంచుకున్న వ్యక్తి ఆఫ్ఘన్ పౌరుడుగా గుర్తించబడ్డాడు. అయితే, ఈ దాడిలో ఆఫ్ఘనిస్తాన్‌కు ఎలాంటి పాత్ర లేదని తాలిబాన్ ప్రభుత్వం ఖండించింది. అరెస్టయిన అనుమానితుడికి పాకిస్తాన్ గూఢచార సంస్థ ఇంటర్-సర్వీసెస్ ఇంటెలిజెన్స్ (ఐఎస్ఐ) శిక్షణ ఇచ్చిందని తాలిబాన్ ప్రతినిధి జబిహీల్లా ముజాహిద్ సంచలన ఆరోపణ చేశారు.

“అమెరికన్ దాడి చేసిన వ్యక్తికి ఆఫ్ఘనిస్తాన్‌తో ఎలాంటి సంబంధం లేదని మేము ధృవీకరిస్తున్నాము. పాకిస్థాన్ గూఢచార సంస్థ శిక్షణ ఇచ్చిందనడానికి ఆధారాలు ఉన్నాయి. అతను ఇస్లామాబాద్ మీదుగా అమెరికాకు చేరుకున్నాడు” అని ముజాహిద్ వెల్లడించారు. ఈ ఘటనను అమెరికా అధ్యక్షుడు డొనాల్డ్ ట్రంప్ ఉగ్రదాడిగా పేర్కొని, భద్రతను పెంచాలని ఆదేశించారు. అలాగే, 2021లో ఆఫ్ఘనిస్తాన్ నుండి అమెరికాలోకి ప్రవేశించిన వారిని తిరిగి తనిఖీ చేయాలని ప్రకటించారు. దాడి చేసిన వ్యక్తిని 29 ఏళ్ల రెహమానుల్లా లక్నవాల్గా గుర్తించారు.