1998లో తన విడాకుల తర్వాత, అప్పటి అమెరికా వ్యాపారవేత్త డొనాల్డ్ ట్రంప్ తనను డేటింగ్‌కు ఆహ్వానించారని బ్రిటీష్ నటి ఎమ్మా థాంప్సన్ సంచలన ఆరోపణ చేశారు. ఇటీవల స్విట్జర్లాండ్‌లో జరిగిన లోకార్నో ఫిల్మ్ ఫెస్టివల్‌లో ఈ ఆస్కార్ విజేత నటి ఈ విషయాన్ని వెల్లడించారు. ట్రంప్ తనను ‘స్టాక్’ చేశారని, విడాకుల వార్త తెలిసిన వెంటనే ఈ ప్రతిపాదన చేశారని ఆమె తెలిపారు.

ట్రంప్ తనకు ఫోన్ చేసి, తన ఇంటికి డిన్నర్‌కు ఆహ్వానించారని, అయితే తాను ఆ ప్రతిపాదనను తిరస్కరించానని ఎమ్మా చెప్పారు. ట్రంప్‌తో డేటింగ్‌కు వెళ్లినట్లయితే, అమెరికా చరిత్రను మార్చి ఉండేదాన్నని, తన దగ్గర ఒక మంచి కథ ఉండేదని ఆమె చమత్కరించారు. 1998లో ట్రంప్ కూడా తన రెండవ భార్య మార్లా మేపుల్స్‌కు విడాకులు ఇవ్వడం జరిగింది.