ఇంట్లోకి పాము వస్తే భయపడకుండా నిపుణులు సూచించిన చిట్కాలను పాటించడం ద్వారా సురక్షితంగా బయటపడవచ్చు. వర్షాకాలం మరియు వేసవిలో ఆహారం కోసం పాములు జనావాసాల్లోకి వస్తుంటాయి. ఇంటి మూలల్లో పాత చెక్కలు లేదా ఇటుకలు పేరుకుపోవడం వల్ల అవి దాక్కోవడానికి అనువైన స్థావరాలుగా మారుతాయి. అందుకే ఇంటి పరిసరాలను శుభ్రంగా ఉంచుకోవడం ద్వారా పాముల రాకను అరికట్టవచ్చు.

పాములకు ఘాటైన వాసనలు అంటే పడదని వన్యప్రాణి నిపుణులు చెబుతున్నారు. ఒకవేళ పాము ఇంట్లోకి వస్తే వంటగదిలో ఉండే బేకింగ్ పౌడర్ లేదా నవరత్న ఆయిల్ వంటి వాటిని చల్లడం ద్వారా వాటిని పంపవచ్చు. ఫినాయిల్ లేదా కిరోసిన్ వంటి ఘాటైన ద్రవాలను పాము ఉన్న చోట చల్లితే ఆ వాసన భరించలేక అవి వెంటనే బయటకు వెళ్లిపోతాయి. ఇలా చేయడం వల్ల పాముకు హాని కలగకుండా ఇంటి నుండి సురక్షితంగా పంపవచ్చు.