రైలు ప్రయాణంలో సీటు కోసం ఇద్దరు మహిళల మధ్య జరిగిన ఘర్షణ సోషల్ మీడియాలో కలకలం రేపుతోంది. సాధారణ మాటలతో మొదలైన ఈ గొడవ కాసేపటికే ఒకరిపై ఒకరు దాడి చేసుకునే స్థాయికి చేరింది. వైరల్ అవుతున్న వీడియోలో మహిళలు పరస్పరం జుట్టు పట్టుకుని లాక్కుంటూ తీవ్రంగా గొడవ పడటం కనిపిస్తుంది. ఈ ఘటనతో రైలులోని తోటి ప్రయాణికులు తీవ్ర అసహనానికి గురయ్యారు.

గొడవ ముదరడంతో అక్కడే ఉన్న ఇతర ప్రయాణికులు జోక్యం చేసుకుని వారిని విడదీయడానికి ప్రయత్నించారు. ప్రస్తుతం ఎక్స్‌ వేదికగా ఈ వీడియో వైరల్ అవుతుండగా, బహిరంగ ప్రదేశాల్లో ఇలాంటి ప్రవర్తన సరికాదని నెటిజన్లు అభిప్రాయపడుతున్నారు. సీటు కోసం ఇంతలా తెగబడటం చూసి నెటిజన్లు ఆశ్చర్యం వ్యక్తం చేస్తున్నారు.