ఉక్రెయిన్‌తో యుద్ధం రష్యా సామాన్యుల నడ్డి విరుస్తోంది. ప్రస్తుతం అక్కడ దోసకాయలు విలాస వస్తువులుగా మారిపోయాయి. సోషల్ మీడియాలో నెటిజన్లు వీటిని కొత్త బంగారం అని పిలుస్తూ విస్మయం వ్యక్తం చేస్తున్నారు.

ధరల మోత

డిసెంబర్ నుండి దోసకాయల ధరలు రెట్టింపు అయ్యి.. కిలో 300 రూబిళ్లు (సుమారు ₹356) కు చేరుకున్నాయి. అనేక సూపర్ మార్కెట్లలో వీటి ధరలు మాంసం, అరటిపండ్ల కంటే ఎక్కువగా ఉండటం గమనార్హం. గతంలో గుడ్ల ధరలు పెరిగినప్పుడు వాటిని ‘బంగారు గుడ్లు’ అనేవారు, ఇప్పుడు ఆ స్థానాన్ని దోసకాయలు ఆక్రమించాయి.

పెరుగుదలకు కారణాలు

• యుద్ధ ద్రవ్యోల్బణం: ఆర్థిక వ్యవస్థ అంతా సైనిక అవసరాలకే మళ్లడంతో నిత్యావసరాల ధరలపై నియంత్రణ తప్పింది.
• కార్మిక కొరత: యువత పెద్ద సంఖ్యలో సైన్యంలో చేరడంతో వ్యవసాయం చేసేవారు కరువయ్యారు.
• పన్నుల భారం: 2026 జనవరి నుండి వ్యాట్ (VAT) 22%కి పెరగడం అదనపు భారమైంది.
• సీజన్: శీతాకాలం కారణంగా ఉత్పత్తి తగ్గడం కూడా ఒక కారణం.

ప్రభుత్వ చర్యలు

పరిస్థితి తీవ్రతను గమనించిన ప్రభుత్వం పెంపకందారులను వివరణ కోరింది. కొన్ని చోట్ల కొనుగోళ్లపై పరిమితులు విధించగా, మరికొన్ని పత్రికలు ప్రజలకు ఇంట్లోనే పెంచుకోవడానికి ఉచితంగా విత్తనాలను పంపిణీ చేస్తున్నాయి.