శరీర అంతర్గత ఆరోగ్య స్థితిని ప్రతిబింబించే అద్దం నాలుక. సాధారణంగా ఆరోగ్యవంతమైన నాలుక లేత గులాబీ రంగులో ఉంటుంది. అయితే నాలుక పసుపు రంగులోకి మారితే కాలేయ సమస్యలు లేదా జీర్ణక్రియ లోపాలు ఉన్నట్లు అర్థం. అదేవిధంగా నాలుక ముదురు ఎరుపు రంగులో ఉంటే శరీరంలో విటమిన్ బి12 లోపం లేదా ఇన్‌ఫెక్షన్లు ఉన్నాయని గుర్తించాలి.

నాలుకపై మందపాటి తెల్లటి పూత రోగనిరోధక శక్తి తగ్గడాన్ని సూచిస్తుంది. ఇక నాలుక ఊదా లేదా నీలం రంగులోకి మారడం అత్యంత ప్రమాదకరం, ఇది గుండె లేదా ఊపిరితిత్తుల సమస్యలకు సంకేతం కావచ్చు. ఇలాంటి మార్పులు గమనించినప్పుడు ఏమాత్రం ఆలస్యం చేయకుండా వెంటనే వైద్యులను సంప్రదించడం మీ ఆరోగ్యానికి ఎంతో శ్రేయస్కరం.