కోట్లాది మంది ఈపీఎఫ్ ఖాతాదారులకు కేంద్ర కార్మిక శాఖ మంత్రి మన్సుఖ్ మాండవియా తీపి కబురు అందించారు. మార్చి 2026 లోపు పీఎఫ్ నగదును నేరుగా ఏటీఎం లేదా యూపీఐ ద్వారా విత్ డ్రా చేసుకునే సౌకర్యం అందుబాటులోకి రానుంది. ప్రస్తుతం ఉన్న సంక్లిష్టమైన ఫారాల ప్రక్రియను తొలగించి, నగదు ఉపసంహరణను మరింత సులభతరం చేయడమే ప్రభుత్వ లక్ష్యం.

కొత్త నిబంధనల ప్రకారం, కేవలం 12 నెలల సర్వీస్ పూర్తి చేసిన వారు కూడా తమ పీఎఫ్ నిధి నుంచి 75 శాతం మొత్తాన్ని వెంటనే పొందవచ్చు. ఈ సంస్కరణల వల్ల క్లెయిమ్ తిరస్కరణలు తగ్గి, ఉద్యోగులకు అత్యవసర సమయంలో డబ్బు త్వరగా అందుతుంది. వినియోగదారుల సౌలభ్యం కోసం ఈ ఆధునిక సాంకేతికతను జోడిస్తున్నట్లు మంత్రి తెలిపారు.