పాతికేళ్ల సుదీర్ఘ నిరీక్షణ తర్వాత కన్నతల్లి ఆచూకీ దొరికినా, మతం కారణంతో ఆమెను అనాథగా వదిలేశాడు ఓ కొడుకు. కోల్‌కతా ఆశ్రమంలో ఉంటున్న 70 ఏళ్ల సుశీల ముర్ము తన స్వగ్రామం గుర్తుకు వచ్చి కొడుకు మదన్ బెస్రాను సంప్రదించింది. అయితే ఆమె క్రైస్తవ మతాన్ని వదిలి హిందువుగా మారితేనే ఇంటికి తీసుకెళ్తానని కొడుకు భీష్మించుకోవడంతో ఈ విషాదం చోటుచేసుకుంది.

తన మతాన్ని వదులుకోలేనని తల్లి సుశీల స్పష్టం చేయడంతో తిరిగి ఆశ్రమానికే పరిమితమైంది. మమకారం కంటే మతానికే ప్రాధాన్యతనిస్తున్న కొడుకు తీరుపై సామాజిక కార్యకర్తలు విస్మయం వ్యక్తం చేస్తున్నారు. ప్రస్తుతం స్థానిక పోలీసులు రంగంలోకి దిగి, కౌన్సెలింగ్ ద్వారా ఆమెను ఇంటికి చేర్చే ప్రయత్నం చేస్తున్నారు.