మణిపూర్ హింసాకాండ కేసులో దర్యాప్తు పురోగతిపై రెండు వారాల్లోగా నివేదిక సమర్పించాలని సిబిఐని సుప్రీంకోర్టు ఆదేశించింది. బాధితుల కుటుంబాలకు ఛార్జిషీట్ కాపీలను అందించాలని, అవసరమైతే మణిపూర్ హైకోర్టులో ప్రత్యేక బెంచ్ ఏర్పాటు చేస్తామని న్యాయస్థానం స్పష్టం చేసింది. కేసు పర్యవేక్షణ బాధ్యతను ప్రధాన న్యాయమూర్తికి అప్పగించింది.

ప్రభుత్వ పక్షాన తుషార్ మెహతా వాదిస్తూ ప్రస్తుతం అక్కడ పరిస్థితులు ప్రశాంతంగా ఉన్నాయని తెలిపారు. అయితే సిబిఐ తీరుపై బాధితుల తరపు న్యాయవాది బృందా గ్రోవర్ తీవ్ర అసంతృప్తి వ్యక్తం చేశారు. 2023 మే నుండి ప్రారంభమైన ఈ జాతి ఘర్షణల్లో ఇప్పటివరకు 200 మందికి పైగా మరణించగా, వేలాది మంది నిరాశ్రయులయ్యారు.