మీరు భోజనం చేసిన వెంటనే టాయిలెట్‌కి వెళ్లవలసి వస్తుందా? తరచుగా గ్యాస్, కడుపు ఉబ్బరం లేదా మలబద్ధకం/అతిసారం వంటి సమస్యలతో బాధపడుతున్నారా? ఇవి సాధారణ కడుపు సమస్యలు కావు, మీకు ఇరిటేబుల్ బౌల్ సిండ్రోమ్ (ఐబీఎస్ – IBS) అనే దీర్ఘకాలిక సమస్య ఉండవచ్చు. ఇది జీర్ణవ్యవస్థకు మరియు ప్రేగులకు సంబంధించిన సమస్య. దీని వల్ల కడుపు నొప్పి, ఉబ్బరం మరియు అసౌకర్యం కలుగుతాయి. ప్రముఖ అమెరికన్ డాక్టర్ ఎరిక్ బెర్గ్ ప్రకారం, కొన్ని ఆహారపు అలవాట్లను మార్చుకోవడం మరియు ఇంట్లో పాటించదగిన చిట్కాలు ఐబీఎస్ తీవ్రతను తగ్గించడంలో సహాయపడతాయి.

ఐబీఎస్‌ను నియంత్రించడానికి డాక్టర్ బెర్గ్ కొన్ని సులభమైన మార్గాలను సూచించారు. ఆయన ప్రకారం, గ్లూటెన్ (ముఖ్యంగా గోధుమల్లో ఉండే ప్రొటీన్) ను పూర్తిగా నివారించినట్లయితే 50 శాతం లక్షణాలు ఒక్క రాత్రిలోనే తగ్గుతాయి. అదేవిధంగా, పాలు, పెరుగు లేదా జున్ను వంటి కొన్ని పాల ఉత్పత్తులను నివారించడం వల్ల చాలా మందికి తక్షణ ఉపశమనం లభిస్తుంది, ఎందుకంటే ఇవి కేసిన్ అలెర్జీ లేదా లాక్టోస్ అసహనం వంటి సమస్యలను కలిగిస్తాయి. ఏ సమయంలో, ఏ ఆహారం సమస్యకు కారణమవుతుందో తెలుసుకోవడానికి ఒక ఆహార నియమావళిని (Food Diary) నిర్వహించడం ముఖ్యం. కిమ్చి లేదా ఇంట్లో చేసిన పెరుగు వంటి పులియబెట్టిన ఆహారాలు తీసుకోవడం వల్ల ప్రేగులలోని మంట (Inflammation) తగ్గి త్వరగా కోలుకోవడానికి సహాయపడుతుంది.