మహారాష్ట్రలోని లాతూర్ జిల్లాలో భూమి వివాదం కారణంగా ఒక విషాద సంఘటన చోటు చేసుకుంది. భూమిని విక్రయించడానికి తన 80 ఏళ్ల తల్లి నిరాకరించడంతో, ఒక కొడుకు ఆమెను దారుణంగా హత్య చేసి, ఆ తర్వాత తానూ ఆత్మహత్య చేసుకున్నాడు. ఈ ఘటన గురువారం వెలుగులోకి వచ్చిందని, మరణించిన కొడుకు కాకాసాహెబ్ జాదవ్ మీద శుక్రవారం హత్య కేసు నమోదు చేశామని పోలీసులు తెలిపారు.

పోలీసుల దర్యాప్తులో, కాకాసాహెబ్ జాదవ్ తన తల్లితో భూమి అమ్మకం గురించి మాట్లాడినప్పుడు, ఆమె అంగీకరించలేదని తెలిసింది. దీంతో ఇద్దరి మధ్య తీవ్ర వాగ్వాదం జరిగింది. కోపంతో కాకాసాహెబ్ తన తల్లిని దారుణంగా కొట్టి, గొంతు నులిమి చంపాడు. అనంతరం ఆమె మృతదేహాన్ని చెరకు తోటలో పాతిపెట్టి, ఆ తర్వాత కొన్ని గంటలకే తానూ ఉరి వేసుకుని ఆత్మహత్య చేసుకున్నాడు.