దక్షిణ ఢిల్లీలోని మదన్గిర్‌లో భార్యాభర్తల మధ్య ఘర్షణ కారణంగా నిద్రిస్తున్న భర్తపై భార్య వేడి నూనె పోసి, కారం చల్లిన భయంకరమైన ఘటన వెలుగులోకి వచ్చింది. ఫార్మా కంపెనీ ఉద్యోగి అయిన 28 ఏళ్ల దినేష్, అక్టోబర్ 3 తెల్లవారుజామున తన ఇంట్లో నిద్రిస్తున్నప్పుడు ఈ దారుణమైన దాడికి గురయ్యాడు. ఈ క్రూరమైన దాడితో నొప్పి తట్టుకోలేక అతను అరిచినప్పుడు, మరింత వేడి నూనె పోస్తానని నిందితురాలైన భార్య బెదిరించినట్లు దినేష్ పోలీసులకు తెలిపారు.

అతని అరుపులు విని పొరుగువారు పరుగెత్తుకు వచ్చి, దినేష్‌ను వెంటనే ఆసుపత్రికి తరలించారు, అక్కడ అతనికి ఐసీయూలో చికిత్స అందిస్తున్నారు. దినేష్ ఫిర్యాదు మేరకు పోలీసులు అతని భార్యపై ఎఫ్‌ఐఆర్ నమోదు చేశారు. వారి ఎనిమిదేళ్ల వివాహ జీవితంలో తరచుగా గొడవలు జరుగుతుండేవని ప్రాథమిక దర్యాప్తులో తేలింది. ఈ ఘటన జరిగినప్పటి నుండి నిందితురాలైన భార్య పరారీలో ఉంది.