అమ్రోహా జిల్లా ఖేతాపూర్ జహంగీర్‌పూర్‌లో జగదీష్ అనే వ్యక్తి హత్య కేసులో అతని భార్య బబితాను పోలీసులు అరెస్ట్ చేశారు. జనవరి 11న భర్త శవమై కనిపిస్తే, భార్య ఏడవకుండా సంతోషంగా ఉండటం పోలీసులకు అనుమానం కలిగించింది. విచారణలో తన వివాహేతర సంబంధానికి అడ్డు వస్తున్నాడనే కారణంతో భర్తను చంపించినట్లు ఆమె అంగీకరించింది. ఈ దారుణ ఘటన స్థానికంగా కలకలం రేపింది.

బబితా తన ప్రియులు రిహాన్, షానవాజ్‌లతో కలిసి ఈ హత్యకు ప్లాన్ వేసింది. మందులు తీసుకురావాలనే సాకుతో జగదీష్‌ను వారి వెంట పంపి, దారిలో గొంతు నులిమి చంపించి మృతదేహాన్ని రోడ్డు పక్కన పడేయించారు. పోలీసులు ముగ్గురు నిందితులను అదుపులోకి తీసుకుని జైలుకు పంపారు. నిందితుల వద్ద నుండి మొబైల్ ఫోన్లను స్వాధీనం చేసుకున్నట్లు ఎస్పీ తెలిపారు.