కేంద్ర హోంమంత్రి అమిత్ షా డిసెంబర్ 29, 30 తేదీల్లో పశ్చిమ బెంగాల్‌లో పర్యటించనున్నారు. కోల్‌కతాలో రాష్ట్ర బీజేపీ కోర్ గ్రూపు నేతలతో ఆయన కీలక సమావేశాలు నిర్వహిస్తారు. 2026 అసెంబ్లీ ఎన్నికలను దృష్టిలో ఉంచుకుని పార్టీ సంస్థాగత బలం, బూత్ స్థాయి ప్రణాళికలు మరియు ఎన్నికల వ్యూహాలను సమీక్షించడమే ఈ పర్యటన ప్రధాన ఉద్దేశ్యం.

అంతకుముందు, డిసెంబర్ 20న ప్రధాని నరేంద్ర మోదీ నదియా జిల్లాలో భారీ బహిరంగ సభను ఉద్దేశించి ప్రసంగించనున్నారు. ఓటర్ల జాబితా సవరణపై తృణమూల్ కాంగ్రెస్‌తో విభేదాలు కొనసాగుతున్న తరుణంలో ఈ పర్యటనలు ప్రాధాన్యత సంతరించుకున్నాయి. నకిలీ ఓటర్లు లేకుండా పారదర్శక ఎన్నికలే తమ లక్ష్యమని సువేందు అధికారి స్పష్టం చేశారు. కేంద్ర నాయకత్వం బెంగాల్‌పై ప్రత్యేక దృష్టి సారించడం రాజకీయంగా చర్చనీయాంశమైంది.