పశ్చిమ బెంగాల్ అసెంబ్లీ ఎన్నికలను ఎన్ని విడతల్లో నిర్వహించాలనే అంశంపై ఢిల్లీలో కేంద్ర ఎన్నికల సంఘం కీలక చర్చలు జరుపుతోంది. రాష్ట్ర ఎన్నికల సంఘం ఒకే విడతలో పోలింగ్ ముగించాలని ప్రతిపాదించినప్పటికీ ఇది కేంద్ర దళాల లభ్యతపై ఆధారపడి ఉంటుంది. ఒకే విడతలో నిర్వహించాలంటే దాదాపు 2000 కంపెనీల భద్రతా దళాలు అవసరమవుతాయి.

ముర్షిదాబాద్, బీర్భూమ్ వంటి సమస్యాత్మక జిల్లాలపై కమిషన్ ప్రత్యేక దృష్టి సారించింది. ప్రాథమికంగా మూడు విడతల్లో ఎన్నికలు నిర్వహించే ఆలోచన ఉన్నప్పటికీ కేంద్ర హోం శాఖతో చర్చించిన తర్వాతే తుది నిర్ణయం వెలువడే అవకాశం ఉంది.