ఆస్ట్రేలియా బిగ్ బాష్ లీగ్‌లో భారత సంతతికి చెందిన యువ ఆల్‌రౌండర్ జార్సిస్ వాడియా తన బ్యాటింగ్‌తో ప్రకంపనలు సృష్టించాడు. అడిలైడ్ స్ట్రైకర్స్ తరపున బరిలోకి దిగిన ఈ 24 ఏళ్ల క్రికెటర్, బ్రిస్బేన్ హీట్‌తో జరిగిన మ్యాచ్‌లో కేవలం 16 బంతుల్లోనే 34 పరుగులు చేసి అందరి దృష్టిని ఆకర్షించాడు. ముఖ్యంగా 15వ ఓవర్‌లో మూడు సిక్సర్లు, ఒక ఫోర్‌తో ఏకంగా 24 పరుగులు పిండుకున్నాడు. అడిలైడ్ జట్టు 7 పరుగుల తేడాతో ఓడిపోయినప్పటికీ, వాడియా ఆడిన విధ్వంసకర ఇన్నింగ్స్ సోషల్ మీడియాలో వైరల్ అవుతోంది.

2001లో జన్మించిన జార్సిస్ వాడియా ఆస్ట్రేలియాలో స్థిరపడకముందు బరోడా తరపున క్రికెట్ ఆడేవాడు. అడిలైడ్ స్ట్రైకర్స్ అండర్-19 ప్రోగ్రామ్ ద్వారా వెలుగులోకి వచ్చిన ఇతడు, మెల్‌బోర్న్ స్టార్స్‌పై తన అరంగేట్రం చేశాడు. మొదటి మ్యాచ్‌లో తక్కువ పరుగులకే అవుట్ అయినప్పటికీ, రెండో మ్యాచ్‌లోనే తనలోని అసలైన దూకుడును ప్రదర్శించి భవిష్యత్ స్టార్‌గా తన ఉనికిని చాటుకున్నాడు.