ఉత్తరప్రదేశ్‌లోని వారణాసిలో ఒక దిగ్భ్రాంతికరమైన ఘటన జరిగింది. ఇద్దరు పిల్లల తల్లి అయిన వితంతువు పదేళ్ల కొడుకును ఆమె ప్రియుడు హత్య చేశాడు. రెండేళ్ల క్రితం భర్త మరణించిన తర్వాత, ఆమె వేరే కమ్యూనిటీకి చెందిన ఫైజాన్‌ అనే యువకుడితో రహస్య సంబంధం పెట్టుకుంది. చనిపోయిన బాలుడు సూరజ్ శర్మ, తన తల్లి సోనా శర్మ, ప్రియుడు ఫైజాన్‌తో అభ్యంతరకర స్థితిలో ఉండగా చూశాడని విచారణలో తేలింది.

ఈ కారణంగానే ఫైజాన్‌, సూరజ్‌ని గొంతు నులిమి చంపినట్లు తెలుస్తోంది. మంగళవారం రాత్రి ఫైజాన్‌ను అరెస్టు చేయడానికి ప్రయత్నించగా, అతను పోలీసుల పిస్టల్‌ను లాక్కొని పారిపోవడానికి ప్రయత్నించాడు. అప్పుడు పోలీసులు అతని కాలుపై కాల్చి గాయపరిచారు. ఆ తర్వాత ఫైజాన్ తన నేరాన్ని అంగీకరించాడు. ఈ హత్యలో సూరజ్ తల్లి సోనా శర్మ పాత్ర ఏమైనా ఉందా అని పోలీసులు విచారిస్తున్నారు.