బంగ్లాదేశ్ సార్వత్రిక ఎన్నికల్లో 211 స్థానాలతో బిఎన్పి స్పష్టమైన మెజారిటీ సాధించిన నేపథ్యంలో ప్రముఖ రచయిత్రి తస్లిమా నస్రిన్ 15 డిమాండ్లను తెరపైకి తెచ్చారు. బిఎన్పి విజయం తనకు సంతోషాన్ని ఇవ్వలేదని, అయితే జమాతే ఇస్లామీ వంటి శక్తులు అధికారంలోకి రాకపోవడం ఉపశమనమని ఆమె సోషల్ మీడియా వేదికగా పేర్కొన్నారు.

హిందూ సాధువు చిన్మయ్ కృష్ణ దాస్ విడుదల మరియు మదర్సా విద్యను రద్దు చేసి శాస్త్రీయ విద్యను ప్రవేశపెట్టాలని ఆమె డిమాండ్ చేశారు. రాజ్యాంగంలో లౌకికవాదాన్ని పునరుద్ధరించాలని, మైనారిటీల రక్షణ మరియు భావప్రకటన స్వేచ్ఛను గౌరవించాలని కోరారు. అలాగే అవామీ లీగ్‌పై ఉన్న నిషేధాన్ని ఎత్తివేసి ప్రజాస్వామ్య విలువలను కాపాడాలని ఆమె బిఎన్పికి సూచించారు.