కేంద్ర హోం మంత్రిత్వ శాఖ జారీ చేసిన కొత్త మార్గదర్శకాల ప్రకారం, ఇకపై అన్ని ప్రభుత్వ అధికారిక కార్యక్రమాల్లో జాతీయ గీతానికి ముందే ‘వందేమాతరం’ ఆలపించడం తప్పనిసరి. బంకిం చంద్ర ఛటర్జీ అమర సృష్టికి 150 ఏళ్లు పూర్తయిన సందర్భంగా ఈ నిర్ణయం తీసుకున్నారు. కొత్త నిబంధనల ప్రకారం, వందేమాతరంలోని ఆరు చరణాలను నిర్ణీత 3 నిమిషాల 10 సెకన్ల వ్యవధిలో పాడాల్సి ఉంటుంది. జెండా ఎగురవేసే సమయం నుండి రాష్ట్రపతి ప్రసంగం వరకు అన్ని సందర్భాల్లోనూ ఇది వర్తిస్తుంది.

అయితే ఈ నిర్ణయం రాజకీయ వర్గాల్లో తీవ్ర దుమారం రేపుతోంది. రాబోయే ఎన్నికలను దృష్టిలో ఉంచుకునే ఈ చర్యలు చేపట్టారని తృణమూల్ కాంగ్రెస్ మరియు కాంగ్రెస్ విమర్శిస్తున్నాయి. దీనిపై స్పందించిన బిజెపి, ఇందులో ఎటువంటి రాజకీయ కోణం లేదని, జాతీయ గీతానికి తగిన గౌరవం కల్పించడమే తమ ప్రధాన ఉద్దేశమని స్పష్టం చేసింది.