ఆంధ్రప్రదేశ్ ముఖ్యమంత్రి నారా చంద్రబాబు నాయుడు పెన్షన్ల మంజూరుపై కీలక ప్రకటన చేశారు. కలెక్టర్ల సదస్సులో ఎదురైన విన్నపాలపై స్పందించిన ఆయన, నిబంధనల వల్ల అర్హులైన బాధితులకు అన్యాయం జరగకూడదని స్పష్టం చేశారు. ఇందులో భాగంగానే దీర్ఘకాలిక వ్యాధిగ్రస్థులు, క్యాన్సర్ బాధితులు మరియు దివ్యాంగుల కోసం ప్రతి జిల్లాకు అదనంగా 200 పెన్షన్లు మంజూరు చేసేందుకు తక్షణమే అనుమతులు ఇచ్చారు.

ఈ ప్రత్యేక పెన్షన్ల మంజూరు బాధ్యతను ఆయా జిల్లాల ఇన్-చార్జ్ మంత్రులు మరియు కలెక్టర్లకు అప్పగించారు. క్షేత్రస్థాయిలో పరిస్థితిని సమీక్షించి, అర్హులైన వారిని ఎంపిక చేసే విచక్షణాధికారాన్ని వారికి కల్పించారు. ప్రభుత్వ నిర్ణయంతో అనారోగ్య సమస్యలతో ఇబ్బంది పడుతున్న నిరుపేదలకు భారీ ఊరట లభించనుంది. పారదర్శకంగా ఈ ప్రక్రియను పూర్తి చేసి త్వరగా లబ్ధిదారులకు అందజేయాలని అధికారులను ఆదేశించారు.