మధ్యప్రదేశ్‌లోని మొరెనా జిల్లాలో పెళ్లికి ఒక రోజు ముందు 19 ఏళ్ల యువతి తన 22 ఏళ్ల ప్రియుడితో కలిసి ఉరేసుకుని ఆత్మహత్య చేసుకున్న విషాద ఘటన చోటుచేసుకుంది. శుక్రవారం ఆమె వివాహం జరగాల్సి ఉండగా, అంతకు ముందే గ్రామం వెనుక ఉన్న ఓ చెట్టుకు దుపట్టాతో ఉరేసుకుని ఈ ప్రేమ జంట ప్రాణాలు తీసుకుంది.

పోలీసు వర్గాల సమాచారం ప్రకారం, వీరు బంధువులవడం వల్ల వీరి ప్రేమను కుటుంబ సభ్యులు అంగీకరించలేదు. దీంతో యువతి తండ్రి ఆమెకు వేరే చోట బలవంతంగా పెళ్లి నిశ్చయించారు. దీనిపై ఆగ్రహించిన ప్రేమ జంట ఈ తీవ్ర నిర్ణయం తీసుకున్నారు. పోలీసులు మృతదేహాలను పోస్టుమార్టం నిమిత్తం పంపారు మరియు నివేదిక అందిన తర్వాత తదుపరి విచారణ జరుగుతుందని తెలిపారు.