ఒడిశాలోని పూరీ జగన్నాథ ధామ్ ఆలయం పైన గత శుక్రవారం గద్దలు (ఈగల్స్) గుంపుగా చక్కర్లు కొట్టిన దృశ్యం సోషల్ మీడియాలో విపరీతంగా వైరల్ అవుతోంది. ఈ సంఘటనను స్థానికులు ‘భవిష్య మాలిక’ భవిష్యవాణులతో ముడిపెట్టి చూస్తున్నారు, దీంతో ఈ అంశంపై మళ్లీ చర్చ మొదలైంది. కొందరు దీనిని దైవిక సంకేతంగా భావిస్తే, మరికొందరు హెచ్చరికగా చూస్తున్నారు, అయితే ఆలయ అధికారులు మాత్రం ఇది కేవలం సహజ సిద్ధమైన సంఘటన అని ప్రకటించారు.

సాధారణంగా గరుత్మంతుడి రక్షణ వల్ల ఆలయంపై పక్షులు ఎగరవని నమ్ముతారు. అటువంటి చోట, నీలచక్రం చుట్టూ వందలాది పక్షులు చక్కర్లు కొట్టడం కనిపించడంతో, ఇది భవిష్య మాలికలో పేర్కొన్న ప్రకృతి వైపరీత్యం లేదా పెద్ద సమస్యకు సంకేతం కావచ్చనే చర్చకు దారితీసింది. అయినప్పటికీ, ఆలయ అధికారులు దీనిని తోసిపుచ్చారు, భక్తులు దీనిని శుభ సంకేతంగానూ చూస్తున్నారు.