న్యూయార్క్‌లోని హెల్స్ కిచెన్ సమీపంలో ఉన్న ‘ఈవా ఏఐ కేఫ్’ ప్రస్తుతం సోషల్ మీడియాలో హాట్ టాపిక్ గా మారింది. వాలెంటైన్స్ వీక్ సందర్భంగా ప్రారంభమైన ఈ కేఫ్ లో మనుషులతో కాకుండా ఏఐ చాట్‌బాట్‌లతో కలిసి కాఫీ తాగే సౌకర్యం ఉంది. మొబైల్ స్టాండ్‌ల సహాయంతో తమ ఏఐ భాగస్వామితో మనసు విప్పి మాట్లాడుకునేలా ఈ కేఫ్ ని రూపొందించారు.

ఒంటరితనం పోగొట్టుకోవడానికి మరియు ఎటువంటి ఒత్తిడి లేకుండా భావాలను పంచుకోవడానికి చాలామంది ఈ కేఫ్ వైపు మొగ్గు చూపుతున్నారు. ఈ కొత్త ట్రెండ్ పై భిన్నాభిప్రాయాలు వ్యక్తమవుతున్నప్పటికీ, సందర్శకుల రద్దీ మాత్రం తగ్గడం లేదు. ప్రస్తుతం మన దేశంలో ఇలాంటి కేఫ్‌లు లేకపోయినా, భవిష్యత్తులో ఏఐ సాంకేతికత ద్వారా మనుషుల జీవనశైలిలో రాబోయే మార్పులకు ఇది ఒక సంకేతంగా నిలుస్తోంది.