భారతదేశంలోని ప్రధాన నగరాల్లో ఉన్న దాదాపు 20 శాతం షాపింగ్ మాల్‌లు మూసివేయబడ్డాయి లేదా మూతపడే దశలో ఉన్నాయి. ప్రాపర్టీ కన్సల్టెన్సీ సంస్థ నైట్ ఫ్రాంక్ నివేదిక ప్రకారం, 32 ప్రధాన నగరాల్లోని 365 మాల్స్‌లో 75 మాల్స్‌ను ‘ఘోస్ట్ మాల్స్’గా గుర్తించారు. ఈ మాల్స్‌లో 80 శాతం వరకు దుకాణాలు ఖాళీగా ఉన్నాయి. పేలవమైన ప్రణాళిక, నిర్వహణ లోపాలు మరియు ఆన్‌లైన్ షాపింగ్ పెరుగుదల కారణంగానే ఈ పరిస్థితి తలెత్తిందని నివేదిక పేర్కొంది.

మెట్రో మరియు పెద్ద నగరాల్లో ఈ ప్రభావం ఎక్కువగా ఉంది, అయితే టైర్-2 నగరాల్లోని మాల్స్ ఆక్యుపెన్సీ మెరుగ్గా ఉంది. సరైన ప్రణాళిక, డిజైన్‌తో ఈ ‘ఘోస్ట్ మాల్స్‌’ను పునరుద్ధరిస్తే, సంవత్సరానికి దాదాపు ₹350 కోట్ల అదనపు ఆదాయాన్ని ఆర్జించవచ్చని నివేదిక సూచిస్తోంది.