2026 టీ20 ప్రపంచకప్ నుండి నిష్క్రమించిన తర్వాత, బీసీసీఐతో సంబంధాలను మెరుగుపరుచుకునేందుకు బంగ్లాదేశ్ క్రికెట్ బోర్డు (బీసీబీ) ప్రయత్నాలను ముమ్మరం చేసింది. భారత్-పాక్ మ్యాచ్ సందర్భంగా కొలంబోలో జరగనున్న ఆసియా దేశాల సమావేశంలో ఈ ప్రతిష్టంభన తొలగే అవకాశం ఉందని బీసీబీ అధ్యక్షుడు అమీనుల్ ఇస్లాం ఆశాభావం వ్యక్తం చేశారు.

భారత్‌తో ఆడేందుకు పాకిస్థాన్‌ను ఒప్పించడంలో బంగ్లాదేశ్ కీలక పాత్ర పోషించినట్లు సమాచారం. బీసీసీఐ పట్ల సానుకూల ధోరణితో వ్యవహరిస్తూ, దౌత్యపరమైన వ్యూహాలతో ప్రపంచకప్ సమీకరణాల్లో తిరిగి చోటు దక్కించుకోవాలని బీసీబీ గట్టిగా ప్రయత్నిస్తోంది. ఈ వ్యూహం ఎంతవరకు ఫలించనుందో వేచి చూడాలి.