రాబోయే టీ20 ప్రపంచకప్‌లో పాల్గొనే విషయంలో నెలకొన్న అనిశ్చితికి పాకిస్థాన్ క్రికెట్ బోర్డు ముగింపు పలికింది. బోర్డు చీఫ్ మొహ్సిన్ నఖ్వీ, ప్రధానమంత్రి షెహబాజ్ షరీఫ్ మధ్య జరిగిన భేటీ తర్వాత, పాక్ జట్టు టోర్నమెంట్‌లో ఆడుతుందని అధికారికంగా ప్రకటించారు. ఏ మ్యాచ్‌ను బహిష్కరించబోమని, అన్ని మ్యాచ్‌లలో పాల్గొంటామని వారు స్పష్టం చేశారు.

ఒకవేళ టోర్నీని బహిష్కరిస్తే ఐసీసీ కఠిన చర్యలు తీసుకునే అవకాశం ఉండటంతో పాక్ వెనక్కి తగ్గినట్లు తెలుస్తోంది. దీంతో ఫిబ్రవరి 15న కొలంబో వేదికగా జరగనున్న భారత్-పాక్ హై-వోల్టేజ్ మ్యాచ్‌కు లైన్ క్లియర్ అయింది. ఫిబ్రవరి 7 నుంచి ప్రారంభం కానున్న ఈ మెగా టోర్నమెంట్ మార్చి 8న ముగియనుంది.