ప్రపంచంలో రెండవ అతిపెద్ద ఆర్థిక వ్యవస్థ అయిన చైనా తీవ్రమైన ఆర్థిక సంక్షోభంలో చిక్కుకుంది. ప్రపంచవ్యాప్తంగా చైనా వస్తువులకు డిమాండ్ తగ్గడం మరియు దేశీయ పెట్టుబడులలో భారీ పతనం కారణంగా, నవంబర్‌లో చైనా ఆర్థిక వ్యవస్థ రికార్డు స్థాయిలో బలహీనతను నమోదు చేసింది. రిటైల్ అమ్మకాలు గత మూడు సంవత్సరాలలో కనిష్ట స్థాయికి చేరడంతో పరిస్థితి మరింత దిగజారింది.

నేషనల్ బ్యూరో ఆఫ్ స్టాటిస్టిక్స్ (National Bureau of Statistics) విడుదల చేసిన సమాచారం ప్రకారం, గత నెలలో రిటైల్ అమ్మకాలు కేవలం 1.3% మాత్రమే పెరిగాయి. ఇది కోవిడ్ మహమ్మారి తర్వాత అత్యంత నెమ్మదిగా వృద్ధి చెందడం. వినియోగదారుల కొనుగోళ్లు మరియు కార్పొరేట్ పెట్టుబడులలో ఈ భారీ పతనం బలహీనమైన దేశీయ డిమాండ్ కారణంగా డ్రాగన్ తీవ్ర సవాళ్లను ఎదుర్కొంటున్నట్లు స్పష్టంగా సూచిస్తోంది.