డ్రాఫ్ట్ ఆదాయపు పన్ను నియమాలు 2026 ప్రకారం, తల్లిదండ్రులు లేదా బంధువులకు అద్దె చెల్లించి హెచ్‌ఆర్ఏ (HRA) మినహాయింపు పొందడం ఇప్పటికీ చట్టబద్ధమే. అయితే, కొత్త రూల్ 205 ప్రకారం ఉద్యోగులు ఇకపై ఫారమ్ 12BAలో ఇంటి యజమానితో తమకు ఉన్న సంబంధాన్ని తప్పనిసరిగా వెల్లడించాల్సి ఉంటుంది. పన్ను చెల్లింపుల్లో పారదర్శకత పెంచడమే ఈ నిబంధన ప్రధాన ఉద్దేశ్యం.

నిజమైన అద్దె ఒప్పందాలు, బ్యాంక్ లావాదేవీలు ఉన్నవారు ఆందోళన చెందాల్సిన అవసరం లేదు. కానీ కేవలం పన్ను ఆదా కోసం కల్పిత అద్దె రశీదులు సృష్టిస్తే ఐటీ శాఖ కఠిన చర్యలు తీసుకుంటుంది. ఆదాయాన్ని తక్కువగా చూపితే 50 శాతం, తప్పుడు సమాచారం ఇస్తే ఏకంగా 200 శాతం వరకు జరిమానా విధించే అవకాశం ఉందని నిపుణులు హెచ్చరిస్తున్నారు.