ఉత్తరప్రదేశ్‌లోని బస్తీ జిల్లాలో ఒక మహిళ తన కుమార్తెకు కాబోయే అల్లుడితో కలిసి ఇంటి నుంచి పారిపోయిన షాకింగ్ సంఘటన వెలుగులోకి వచ్చింది. నాలుగు నెలల క్రితం గోండాకు చెందిన యువకుడితో మహిళ కుమార్తెకు వివాహం నిశ్చయమైంది. మొదట్లో వధూవరులు మాట్లాడుతుండగా, క్రమంగా అత్త కూడా యువకుడితో మాట్లాడటం మొదలుపెట్టింది. ఈ అసాధారణ బంధం బయటపడటంతో అమ్మాయి కుటుంబం పెళ్లిని రద్దు చేసింది.

అయినప్పటికీ, వారిద్దరి మధ్య పరిచయం కొనసాగింది, మూడు రోజుల క్రితం ఆ యువకుడు కాబోయే అత్తతో అకస్మాత్తుగా అదృశ్యమయ్యాడు. కుటుంబ సభ్యులు వెతికినా ఫలితం లేకపోవడంతో పోలీసులకు ఫిర్యాదు చేశారు. యువకుడు, మహిళ కోసం గాలింపు చర్యలు మొదలుపెట్టినట్లు పోలీసులు తెలిపారు. అలీఘర్‌లో జరిగిన దాని మాదిరిగానే ఈ సంఘటన కూడా స్థానికంగా మరియు సోషల్ మీడియాలో తీవ్ర కలకలం రేపింది.