మార్కెట్ నుండి తెచ్చిన పండ్లు మరియు కూరగాయలను ఒకే సంచిలో లేదా ఫ్రిజ్‌లో కలిపి ఉంచడం ఆరోగ్యానికి హానికరం. దోసకాయలను పుచ్చకాయ, అరటిపండు లేదా టమోటాలతో కలిపి ఉంచితే విడుదలయ్యే ఇథిలీన్ గ్యాస్ వల్ల అవి త్వరగా పాడవుతాయని నిపుణులు హెచ్చరిస్తున్నారు. అదేవిధంగా ఆపిల్ లేదా పియర్ పండ్లతో గుమ్మడికాయను కలిపి ఉంచకూడదు. ఆపిల్ మరియు నారింజ పండ్లను ఒకే బుట్టలో ఉంచడం లేదా ప్లాస్టిక్ సంచులలో నిల్వ చేయడం వల్ల అవి త్వరగా కుళ్ళిపోయే అవకాశం ఉంది.

బంగాళాదుంపలు మరియు చిలగడదుంపలను ఫ్రిజ్‌లో పెట్టకుండా విడివిడిగా కాగితపు సంచులలో పొడి ప్రదేశంలో నిల్వ చేయాలి. ఖరీదైన అవకాడో పండ్లను అరటిపండ్లకు దూరంగా ఉంచడం ద్వారా ఎక్కువ కాలం తాజాగా ఉంచుకోవచ్చు. పండ్ల నాణ్యతను కాపాడుకోవడానికి వాటిని కోసి గాలి చొరబడని డబ్బాలో భద్రపరచడం మంచిది. ఈ జాగ్రత్తలు పాటించడం వల్ల ఆహారం వృధా కాకుండా ఆరోగ్యంగా ఉండవచ్చు.