ప్రముఖ టెక్ దిగ్గజం యాపిల్ తన వినియోగదారుల కోసం తక్కువ ధరలో కొత్త ఐఫోన్‌ను విడుదల చేసేందుకు సిద్ధమవుతోంది. తాజా నివేదికల ప్రకారం, కంపెనీ ఈ నెలలోనే ‘ఐఫోన్ 17ఇ’ (iPhone 17e) మోడల్‌ను లాంచ్ చేయనుంది. బ్లూమ్‌బెర్గ్ సమాచారం ప్రకారం, ఫిబ్రవరి 19న ఈ ఫోన్ మార్కెట్లోకి వచ్చే అవకాశం ఉంది. ఇది ఐఫోన్ 16ఇ కి అప్‌గ్రేడెడ్ వెర్షన్‌గా రాబోతోంది. బడ్జెట్ ధరలో ప్రీమియం ఫీచర్లను కోరుకునే వారికి ఇది ఒక గొప్ప ఎంపికగా మారనుంది.

ఈ కొత్త ఐఫోన్ 17ఇ లో యాపిల్ లేటెస్ట్ ఏ19 (A19) ప్రాసెసర్‌ను ఉపయోగించనున్నట్లు తెలుస్తోంది. దీనివల్ల ఫోన్ పనితీరు మరింత వేగంగా ఉంటుంది. ముఖ్యంగా ఈసారి ఇందులో మ్యాగ్‌సేఫ్ (MagSafe) వైర్‌లెస్ ఛార్జింగ్ సపోర్ట్ మరియు సి1ఎక్స్ (C1X) సెల్యులార్ చిప్‌ను ప్రవేశపెట్టనున్నారు. డిజైన్ పరంగా 6.1-అంగుళాల డిస్‌ప్లే, 48 మెగాపిక్సెల్ మెయిన్ కెమెరా మరియు 18 మెగాపిక్సెల్ సెల్ఫీ కెమెరా ఉండే అవకాశం ఉంది. భారత్‌లో దీని ప్రారంభ ధర సుమారు రూ. 59,900 వరకు ఉండవచ్చని అంచనా.