ఐపీఎల్ 2026 సీజన్ మినీ వేలంలో పంజాబ్ కింగ్స్ కెప్టెన్ శ్రేయస్ అయ్యర్ తొలిసారిగా వేలం టేబుల్‌పై కనిపించే అవకాశం ఉంది. డిసెంబర్ 16న అబుదాబిలోని ఎతిహాద్ అరేనాలో జరగనున్న ఈ వేలంలో ఆయన నేరుగా పాల్గొనవచ్చు. ప్రస్తుతం గాయం కారణంగా అంతర్జాతీయ క్రికెట్‌కు దూరంగా ఉన్న అయ్యర్, జట్టు కోచ్ రికీ పాంటింగ్ అందుబాటులో లేకపోవడం వల్లే ఈ నిర్ణయం తీసుకున్నట్లు క్రిక్‌బజ్ నివేదిక తెలిపింది. యాషెస్ సిరీస్‌కు వ్యాఖ్యాతగా వ్యవహరిస్తున్నందున పాంటింగ్ ఈ వేలానికి హాజరు కాలేరు.

ఇదివరకు ఏ కెప్టెన్ కూడా వేలం టేబుల్‌పై పాల్గొనలేదు. అయినప్పటికీ, పాంటింగ్ లేకపోవడంతో, జట్టు తరపున ఆటగాళ్లను ఎంపిక చేసే బాధ్యతను అయ్యర్ స్వీకరించాల్సి రావచ్చు. గాయం నుండి కోలుకుంటున్న ఈ స్టార్ బ్యాట్స్‌మన్, జనవరి 2026లో న్యూజిలాండ్‌తో జరిగే వన్డే సిరీస్‌తో తిరిగి మైదానంలోకి వచ్చే అవకాశం ఉంది. అంతకుముందు 2024 ఐపీఎల్ వేలంలో ఢిల్లీ క్యాపిటల్స్ తరపున రిషబ్ పంత్ కూడా వేలం టేబుల్‌పై కూర్చున్నాడు.