రాష్ట్రంలోని 13,426 గ్రామ పంచాయతీలకు హైస్పీడ్ ఫైబర్ నెట్ అందించేందుకు ఏపీ ప్రభుత్వం భారత్ నెట్‌తో చారిత్రాత్మక ఒప్పందం కుదుర్చుకుంది. సీఎం చంద్రబాబు నాయుడు మరియు కేంద్ర మంత్రి జ్యోతిరాదిత్య సింధియా సమక్షంలో ఈ ఎంవోయూ జరిగింది. ఈ ప్రాజెక్టు కోసం కేంద్రం 2,432 కోట్ల రూపాయలను కేటాయించింది.

వాట్సాప్ గవర్నెన్స్ ద్వారా 970 సేవలను అందిస్తూ, ఏఐ సాంకేతికతపై ప్రత్యేక దృష్టి పెడుతున్నామని సీఎం తెలిపారు. డ్రోన్ టెక్నాలజీ మరియు రోబోటిక్స్ వంటి రంగాల్లో యువతకు ఉపాధి అవకాశాలు కల్పించడమే ఈ డిజిటల్ ప్రాజెక్టు ప్రధాన లక్ష్యం.