న్యూస్ డెస్క్ : ఉద్యోగ టెన్షన్లతో సతమతమవుతున్న వారికి ఒక శుభవార్త, ఇప్పుడు మందు తాగుతూనే మీ భవిష్యత్తును ప్లాన్ చేసుకోవచ్చు. జపాన్‌కు చెందిన షోతా ఉమేమోతో అనే వ్యక్తి కెరీర్ గైడెన్స్‌తో పాటు ఉచితంగా మద్యం అందించే వినూత్న బార్‌ను ప్రారంభించారు. నిరంతరం పని ఒత్తిడిలో ఉండే సామాన్య ఉద్యోగులు, ప్రశాంతమైన వాతావరణంలో తమ కెరీర్ మార్పుల గురించి చర్చించి సరైన నిర్ణయాలు తీసుకోవడానికి ఇది ఒక అద్భుతమైన అవకాశం.

ఈ బార్‌లో నిపుణులతో కెరీర్ గురించి చర్చించడానికి ప్రత్యేక సమయం కేటాయిస్తారు. అయితే, ఇక్కడ జరిగిన చర్చలను రహస్యంగా ఉంచాలనే కఠినమైన నిబంధన ఉంది, దీనిని అతిక్రమిస్తే చట్టపరమైన చర్యలు తప్పవు. ప్రొఫెషనల్ కౌన్సెలర్ల దగ్గరకు వెళ్లడానికి సంకోచించే వారికి, ఇలా సరదాగా మాట్లాడుతూ కెరీర్ సలహాలు పొందడం నిజంగా గొప్ప విషయమే.