ఆసియా కప్ 2025లో భారత జట్టు గ్రూప్ దశ చివరి మ్యాచ్‌లో ఒమన్‌ను ఓడించి వరుసగా మూడో విజయాన్ని నమోదు చేసింది. ఈ విజయంతో భారత్ పాయింట్స్ టేబుల్‌లో అగ్రస్థానాన్ని నిలబెట్టుకుంది. అదే సమయంలో, పాకిస్థాన్ రెండు విజయాలతో రెండో స్థానంలో నిలిచి సూపర్-4కు అర్హత సాధించింది. సెప్టెంబర్ 20 నుండి సూపర్-4 మ్యాచ్‌లు ప్రారంభం కానున్నాయి, ఇందులో భారత్ సెప్టెంబర్ 21న పాకిస్థాన్‌తో తలపడుతుంది.

ఒమన్పై 21 పరుగుల తేడాతో విజయం సాధించడంతో, భారత్ 6 పాయింట్లతో పాయింట్స్ టేబుల్‌లో అగ్రస్థానంలో ఉంది. ఒక్క మ్యాచ్ కూడా గెలవలేకపోయిన ఒమన్ టోర్నమెంట్ నుండి నిష్క్రమించింది. గ్రూప్ బిలో శ్రీలంక తమ అన్ని మ్యాచ్‌లలో గెలిచి అగ్రస్థానంలో నిలిచింది, బంగ్లాదేశ్ రెండు మ్యాచ్‌లలో గెలిచి రెండో స్థానంలో ఉంది, ఈ రెండు జట్లు సూపర్-4కు అర్హత సాధించాయి.