వైట్‌హౌస్‌ (White House) సమీపంలో ఇద్దరు నేషనల్ గార్డులను లక్ష్యంగా చేసుకుని ఓ సాయుధుడు కాల్పులు జరపడంతో వాషింగ్టన్ డిసిలో ఉద్రిక్తత నెలకొంది. భారత కాలమానం ప్రకారం గురువారం తెల్లవారుజామున జరిగిన ఈ దాడిలో వెస్ట్ వర్జీనియా స్టేట్ నేషనల్ గార్డ్‌కు చెందిన ఇద్దరు సభ్యులు తీవ్రంగా గాయపడ్డారు. కాల్పులు జరిపిన వ్యక్తి ఎదురు కాల్పుల్లో గాయపడి అరెస్టు అయ్యాడు. అతడిని ఆఫ్ఘనిస్తాన్ పౌరుడైన రెహమానుల్లా లక్న్‌వాల్‌గా గుర్తించారు. ఇతను గతంలో అమెరికా శిక్షణ పొందిన ఆఫ్ఘనిస్తాన్‌లోని 01 యూనిట్ మాజీ యోధుడు. తాలిబాన్లు కాబూల్‌ను స్వాధీనం చేసుకున్న తర్వాత ‘ఆపరేషన్ అలైస్ వెల్‌కమ్’ కింద ఇతను అమెరికాకు వచ్చాడు.

రెహమానుల్లా దాడికి గల కారణాలు ఇంకా స్పష్టంగా తెలియరాలేదు. అయితే, గతంలో ఆఫ్ఘన్ ప్రభుత్వం కింద పనిచేసిన ఈ ప్రత్యేక యూనిట్‌లోని చాలా మంది సభ్యులు ప్రస్తుతం మానసిక సమస్యలు మరియు దూకుడు ధోరణులతో బాధపడుతున్నట్లు తెలిసింది. రెహమానుల్లా కూడా ఏదైనా మానసిక రుగ్మతతో బాధపడుతున్నాడా అనే ప్రశ్నలు తలెత్తుతున్నాయి. కాగా, మాజీ అధ్యక్షుడు డొనాల్డ్ ట్రంప్ ఈ ఘటనను తీవ్రంగా ఖండించారు. దాడి చేసిన వ్యక్తిని ‘మృగం’గా అభివర్ణించి, అతడికి కఠిన శిక్ష పడాలని డిమాండ్ చేశారు. అమెరికా రాజధానిలో ఇలాంటి దాడి జరగడంతో, ఆఫ్ఘనిస్తాన్ నుండి తరలించబడిన వారి భద్రత ధృవీకరణ ప్రక్రియలపై కూడా ప్రశ్నలు మొదలయ్యాయి.