సొంత కుటుంబ సభ్యులపై ఉగ్రదాడి చేస్తానని మరియు ఇంటికి నిప్పు పెడతానని బెదిరించిన 22 ఏళ్ల భారత సంతతి విద్యార్థి మనోజ్ సాయి లాల్లాను టెక్సాస్ పోలీసులు అరెస్ట్ చేశారు. టెక్సాస్ యూనివర్సిటీకి చెందిన ఈ మాజీ విద్యార్థిపై వచ్చిన ఫిర్యాదు మేరకు ఫ్రిస్కో పోలీసులు గత సోమవారం అతడిని అదుపులోకి తీసుకున్నారు. తన కుటుంబ సభ్యుల ప్రాణాలకు ముప్పు కలిగిస్తున్నాడన్న ఆరోపణలతో ఈ చర్యలు చేపట్టారు.

పోలీసుల కథనం ప్రకారం మనోజ్ తన కుటుంబంపై తీవ్రస్థాయిలో దాడులకు పాల్పడతానని బెదిరింపులకు గురిచేశాడు. బాధితులు ఇచ్చిన ఫిర్యాదుతో రంగంలోకి దిగిన పోలీసులు అతడిని అరెస్ట్ చేసి జైలుకు తరలించారు. ఈ ఘటనకు గల పూర్తి కారణాలపై అమెరికన్ యంత్రాంగం ప్రస్తుతం లోతుగా విచారణ జరుపుతోంది.