టీ20 ప్రపంచకప్‌లో దక్షిణాఫ్రికా చేతిలో ఘోర పరాజయంతో భారత్ సెమీస్ ఆశలు క్లిష్టమయ్యాయి. ఈ మ్యాచ్‌లో ఓపెనర్ అభిషేక్ శర్మ కేవలం 15 పరుగులకే వెనుదిరగడంతో జట్టు కష్టాల్లో పడింది. రబడ వ్యూహాత్మక బౌలింగ్‌ను ఎదుర్కోలేక అభిషేక్ తీవ్ర ఒత్తిడికి లోనై వికెట్ సమర్పించుకున్న తీరుపై విశ్లేషణలు సాగుతున్నాయి.

అభిషేక్ బ్యాటింగ్ వైఫల్యాన్ని దిగ్గజం గవాస్కర్ విశ్లేషించారు. దక్షిణాఫ్రికా బౌలర్లు అతడిని కట్టడి చేసేందుకు పక్కా ప్లాన్ వేశారని పేర్కొన్నారు. భారీ షాట్లకు ప్రయత్నించి విఫలమయ్యే బదులు, సింగిల్స్ తీస్తూ స్ట్రైక్ రొటేట్ చేస్తే ఒత్తిడి తగ్గేదని గవాస్కర్ సూచించారు. క్రీజులో సహనం కోల్పోవద్దని అభిషేక్ కు హితవు పలికారు.