దక్షిణాఫ్రికాతో జరిగిన ఉత్కంఠభరితమైన టీ20 ప్రపంచకప్ మ్యాచ్‌లో ఐసీసీ ప్రవర్తనా నియమావళిని ఉల్లంఘించినందుకు ఆఫ్ఘనిస్తాన్ ఆల్ రౌండర్ మహ్మద్ నబీ చిక్కుల్లో పడ్డారు. బౌలర్ లుంగీ ఎంగిడి రిస్ట్‌బ్యాండ్‌పై అభ్యంతరం వ్యక్తం చేస్తూ అంపైర్లతో వాదించినందుకు నబీ మ్యాచ్ ఫీజులో 15 శాతం జరిమానా విధించారు. క్రమశిక్షణారాహిత్యం కారణంగా ఐసీసీ ఆయన ఖాతాలో ఒక డీమెరిట్ పాయింట్‌ను కూడా చేర్చింది.

రెండుసార్లు సూపర్ ఓవర్‌కు దారితీసిన ఈ మ్యాచ్‌లో ఆఫ్ఘనిస్తాన్ చివరికి దక్షిణాఫ్రికా చేతిలో ఓడిపోయింది. రెండో సూపర్ ఓవర్‌లో 24 పరుగుల లక్ష్యాన్ని ఛేదించే క్రమంలో రహ్మానుల్లా గుర్బాజ్ మెరుపులు మెరిపించినా నబీ జట్టు 19 పరుగులకే పరిమితమైంది. మైదానంలో నిగ్రహం కోల్పోయి అంపైర్లతో గొడవకు దిగడంతో అనుభవజ్ఞుడైన ఈ ఆటగాడిపై తీసుకున్న చర్యలు ఇప్పుడు చర్చనీయాంశంగా మారాయి.