ఖగోళ పరిశోధనల్లో భాగంగా భూమికి 150 కాంతి సంవత్సరాల దూరంలో ‘హెచ్‌డి-137010 బి’ అనే కొత్త గ్రహాన్ని శాస్త్రవేత్తలు కనుగొన్నారు. భూమి కంటే పరిమాణంలో కొంచెం పెద్దగా ఉన్న ఈ గ్రహం తన నక్షత్రం చుట్టూ తిరగడానికి 355 రోజుల సమయం తీసుకుంటుంది. దీని కక్ష్య మరియు నక్షత్రం నుండి ఉన్న దూరాన్ని బట్టి అక్కడ జీవరాశి మనుగడ సాగించడానికి 51 శాతం అవకాశం ఉందని పరిశోధకులు అంచనా వేస్తున్నారు.

నాసాకు చెందిన కెప్లర్ టెలిస్కోప్ ద్వారా గుర్తించిన ఈ గ్రహం అంగారకుడి కంటే చల్లగా ఉన్నప్పటికీ అక్కడ నీరు ఉండే అవకాశాలు మెండుగా ఉన్నాయి. సూర్యుడి కంటే ఎక్కువ కాలం మనుగడ సాగించే ఒక మరుగుజ్జు నక్షత్రం చుట్టూ ఇది తిరుగుతుండటం వల్ల భవిష్యత్తులో ఇక్కడ జీవ పరిణామం సంభవించే అవకాశం ఉందని శాస్త్రవేత్తలు భావిస్తున్నారు. భూమి తరహాలోనే రాతి నిర్మాణం మరియు వాతావరణంలో కార్బన్ డై ఆక్సైడ్ ఉండటం అంతరిక్ష పరిశోధనల్లో సరికొత్త అధ్యాయానికి తెరలేపింది.