உடல் ஆரோக்கியத்தை பேணுவதில் சிறுதானியங்களின் பங்கு முக்கியமானது. மெகாஸ்டார் சிரஞ்சீவியின் மருமகள் உபாசனா கொனிடேலா, தனது மகள் கிளின்காராவிற்கு தினமும் ராகி கஞ்சி வழங்குவதாக தெரிவித்துள்ளார். ராகி மாவை தண்ணீரில் வேகவைத்து, ஆறிய பின் தயிர், பொடியாக நறுக்கிய வெங்காயம், பச்சை மிளகாய் மற்றும் சீரகப்பொடி சேர்த்து இந்த சிறப்பு கஞ்சி தயாரிக்கப்படுகிறது.

இந்த பானம் வளரும் குழந்தைகளின் எலும்புகளுக்கு வலிமை சேர்ப்பதுடன், கோடையில் உடலை குளிர்ச்சியாக வைக்கிறது. இதில் உள்ள நார்ச்சத்து உடல் எடையை குறைக்க உதவுவதுடன், செரிமானத்தையும் மேம்படுத்துகிறது. ரத்த சோகையை நீக்கும் சத்துக்கள் நிறைந்த இந்த ராகி கஞ்சி தற்பொழுது அனைவரின் கவனத்தையும் ஈர்த்துள்ளது.