தொழில்நுட்பம் வளர்ந்து வரும் நிலையில், புதிய பாதுகாப்பு சாதனங்கள் சந்தைக்கு வந்து கொண்டிருக்கின்றன. இப்போது ஒரு புதிய ரகசிய கேமரா அறிமுகப்படுத்தப்பட்டுள்ளது. இது பார்ப்பதற்கு LED மின்விளக்கு போலவே இருக்கிறது. எந்தவொரு மின்விளக்கு ஹோல்டரிலும் இதை ரகசியமாகப் பொருத்தி, கண்காணிப்பை மேற்கொள்ள முடியும். இந்த கேமராவில் வைஃபை இணைப்பு இருப்பதால், மொபைல் அல்லது லேப்டாப்பில் நேரடியாகப் படங்களைப் பார்க்கலாம்.

இந்தக் கேமராவின் சிறப்பு அம்சம் என்னவென்றால், இது 120 முதல் 360 டிகிரி கோணத்தில் காட்சிகளைப் பதிவு செய்யும். இதில் மெமரி கார்டையும் சேர்க்கலாம். இதன்மூலம் அனைத்துப் பதிவுகளையும் சேமித்து வைக்கலாம். திருடர்களுக்கு சிம்மசொப்பனமாக இருக்கும் இந்தச் சாதனத்தின் விலை தோராயமாக ₹8,800. இதன் பல்துறை பயன்பாட்டுடன் ஒப்பிடுகையில், இந்த விலை மிகவும் குறைவு.